جاپانی عوام کی اپنی فوج بیرون ملک بھیجنے کی مخالفت

ہزاروں افراد کاٹوکیو میں وزیراعظم کے دفتر کے سامنے مظاہرہ اور نعرے
ٹوکیو(نیوز ڈیسک) جاپانی عوام نے اپنی فوج بیرون ملک بھیجنے کی مخالفت کردی، ہزاروں افراد نے ٹوکیو میں وزیراعظم کے دفتر کے سامنے مظاہرہ کیا اور مطالبہ کیا کہ فوجیوں کو بیرون ملک بھیجنے کا فیصلہ منسوخ کیا جائے، مظاہرین نے بینرز اور پلے کارڈ اٹھا رکھے تھے جن پر بحیرہ عمان اور آبنائے باب المندب میں جاپانی فوجیوں کی تعیناتی کے فیصلے کے خلاف نعرے درج تھے۔مظاہرے میں شریک پروفیسر کازو او تاکا ہاشی کا کہنا تھا کہ حکومت کا یہ فیصلہ تکلیف دہ آپشن ہے کیونکہ خلیج فارس میں کشیدگی کی تمام تر ذمہ داری امریکاپر عائد ہوتی ہے۔