تربیت کے معاملے میں خود کو سب کچھ نہ سمجھیں۔

آیت اللہ حائری شیرازی:

تربیت اولاد میں جتنی آپ کی قدرت اور توانائی ہے اتنا انجام دیں اور وہ حصہ جو آپ کی قدرت سے باہر ہے اس کے لیے پریشان نہ ہوں بلکہ اللہ کے سپرد کردیں۔
مثلاً آپ اور آپ کا بھائی ایک تخت اٹھا کر صحن سے کمرے میں لے جانا چاہ رہے ہیں۔ اگر آپ کا بھائی سالم اور قدرت مند ہو تو آپ تخت کے اس طرف کی طرف سے پریشان نہیں ہوں گے کیونکہ جانتے ہیں کہ وہ اتنا قدرت مند ہے اور صحیح سے پکڑ سکتا ہے۔ آپ کا سارا دھیان اپنی طرف ہوگا۔ اپنی طرف سے پریشان ہوں گے کہ کہیں لگ نہ جائے یا پاؤں نہ لڑکھڑا جائے۔

تربیت کا دوسرا سرا خدا کے ہاتھ میں ہے۔
جو حصہ آپ نہیں کر سکتے اور آپ کی قدرت سے خارج ہے، وہ خدا پر چھوڑ دیں صرف اس حصے کی فکر کریں جو آپ کے حصے میں ہے اپنی نا توانیوں کی فکر نہیں کریں بلکہ توانائیوں پہ توجہ دیں۔ تربیت میں جو چیز آپ کے لیے ممکن ہے وہ نہیں کریں گے تو یہ خطرناک ہے۔ لیکن وہ چیزیں جو آپ نہیں کر سکتے اور آپ کے ہاتھ سے باہر ہے وہ خدا کا حصہ ہے خدا کسی پہ اس کی طاقت سے زیادہ بوجھ نہیں ڈالتا۔