بحرین:وبا کے باوجودسیاسی قیدیوں کو رہا کرنے سے انکار

قیدی کورونا میں مبتلا ہو گئے تو اس کے سنگین نتائج برآمد ہوں گے،سیاسی تنظیموں کا بیان
مناما(نیوز ڈیسک) بحرین حکومت نے وائرس پھیلنے کے خدشات کے باوجود سیاسی اور بے گناہ قیدیوں کو رہا کرنے سے انکار کردیا،مختلف سیاسی گروپوں اور تنظیموں نے مشترکہ بیان میں بحرین کے حکام سے مطالبہ کیا کہ سیاسی مخالفین کو جنہیں اپنے حق و حقوق، پر امن احتجاج اور آزادی بیان کے جرم میں گرفتارکیا گیا ہے انہیں کورونا کی وبا پھیلنے کی وجہ سے فوراً رہا کر دینا چاہئے، بہت سے حکومت مخالف رہنما اور انسانی حقوق کے سرگرم کارکن اس وقت جیلوں میں ہیں جن کی جسمانی صورتحال خراب ہے اور وہ مختلف بیماریوں میں مبتلا ہیں اور اگر وہ کورونا میں مبتلا ہو گئے تو اس کے سنگین نتائج برآمد ہوں گے۔