ایران، روس اور چین کی مشترکہ بحری مشقیں، امریکاپریشان

بد امنی پھیلانے والے ممالک کو مشقوں سے سبق سیکھ لینا چاہیے،ایرانی آرمی چیف ٓٓ
تہران (نیوز ڈیسک) بحر ہند کے شمال میں ایران، روس اور چین کی مشترکہ بحری مشقوں نے امریکا اور اس کے اتحادیوں کی نیندیں اڑادیں، 17 ہزار کلومیٹر کے رقبے پر محیط یہ مشقیں تین دن تک جاری رہیں، مشقوں کا مقصد بحری سلامتی اور سیکیورٹی کو مزید مضبوط بنانا تھا،امریکا نے ان مشقوں پر تشویش کا اظہار کیا تو چین نے بھی منہ توڑ جواب دیتے ہوئے کہاکہ یہ مشق بین الاقوامی قوانین اور قواعد و ضوابط کے مطابق ہیں، عالمی امن کی حمایت اور سمندری سیکیورٹی کے لیے اپنی نیک نیتی اور اپنی قابلیت کو دکھانا اس مشترکہ مشق کے انعقاد کے مقاصد میں سے ہیں،ایران کی مسلح افواج کے سربراہ میجرجنرل سید عبدالرحیم موسوی نے کہاکہ دشمن بحری مشقوں سے خائف اور پریشان ہیں، خطے میں بد امنی پھیلانے والے ممالک کو مشترکہ بحری مشقوں سے سبق سیکھ لینا چاہیے،بحریہ کے سربراہ ایڈمیرل حسین خانزادی نے کہا کہ بحری مشقیں، بحری اقتدار کا مظہر ہیں۔