امریکاکی وجہ سے پوری دنیا کا امن خطرے میں ہے،علامہ ساجد نقوی

اسی استعمارکی وجہ سے مشرق وسطیٰ میں اسرائیل جیسا ناجائز وجود پروان چڑھا
لاہور (پ ر) امریکا جیسی استعماری طاقتوں کی وجہ سے پوری دنیا کا امن خطرے میں ہے، جنہیں انسانی حقوق کی کوئی پرواہ ہے۔ان خیالات کا اظہاراسلامی تحریک کے سربراہ علامہ سید ساجد علی نقوی نے صوبائی صدر علامہ سبطین حیدر سبزواری سے جنرل قاسم سلیمانی کی شہادت پر گفتگو کرتے ہوئے کیا۔انہوں نے کہا کہ اسی استعماری طاقت کی وجہ سے آج مشرق وسطیٰ میں اسرائیل جیسا ناجائز وجود پروان چڑھا، جاپان (ناگاساکی، ہیروشیما)عراق، افغانستان اور شام میں ظلم و جبرکے پہاڑ توڑے گئے ان ملکوں میں تباہی پھیلائی گئی اور عوام کو اپنے ہی وطن میں مہاجر بنادیاگیا۔ انہوں نے رہبر معظم، عظیم مزاحمت کاروں کے خانوادوں اور چاہنے والوں سے اظہار تعزیت و تبریک کرتے ہوئے شہداء کے بلندی درجات کی دعاکی۔