امریکا کی خود سرانہ پابندیاں ایک بڑا چیلنج ہے،شام

نیویارک(نیوز ڈیسک) اقوام متحدہ میں شام کے مندوب بشارالجعفری نے کہا ہے کہ شامی عوام کے خلاف امریکا کی خود سرانہ پابندیاں شام کے لئے ایک بڑا چیلنج ہے ، جنرل اسمبلی کی اقتصادی کمیٹی کے 75ویں اجلاس سے خطاب میں بشار الجعفری نے کہا کہ شام کے خلاف امریکی پابندیاں ایسے عالم میں عائد کی گئی ہیں کہ اقوام متحدہ کے سیکریٹری جنرل نے ان پابندیوں کو کورونا کی روک تھام میں دمشق کی صلاحیتوں کے کمزور ہونے کا موجب قرار دیا تھا اور انھیں ختم کرنے کا مطالبہ بھی وہ کرچکے ہیں