امریکا نے عرا ق میں 4چھاؤنیاں عراقی فوج کے حوالے کردیں

بڑی کارروائی کا امکان،اینٹی میزائل شکن سسٹم بھی پہنچادیا گیا
بغداد (نیوز ڈیسک) امریکی اتحاد نے کرکوک، قیارہ،موصل کا مجمع النقور اور نینوی ٰ کی چھاؤنیاں بھی عراقی فوج کے حوالے کر دیں، کرکوک چھاؤنی کے اندر عراقی اور امریکی فوجی حکام کی موجودگی میں تقریب کے دوران چھاؤنیوں کو عراقی فوج کے حوالے کرنے کا باضابطہ اعلان کیا گیا، عراقی سیکیورٹی فورسز کے مطابق یہ فوجی اڈے طے شدہ شیڈول کے مطابق عراقی سیکیورٹی فورسز کو واپس کئے گئے ہیں، میڈیا رپورٹ کے مطابق امریکا عراق میں مزاحمتی گروپوں کیخلاف کارروائی سے پہلے تمام اڈے خالی کرکے تما م فوجیوں کو عین الاسد پر جمع کررہا ہے،کویت سے اینٹی میزائل شکن سسٹم بھی پہنچادیا گیاہے،تاکہ جوابی راکٹ حملوں سے دفاع کیا جاسکے۔