آیت اللہ ابراہیم امینی کی انقلابی خدمات کو ہمیشہ یاد رکھا جائے گا، حافظ ریاض نجفی

لاہور (پ ر) وفاق المدارس الشیعہ پاکستان کے صدرآیت اللہ حافظ ریاض حسین نجفی، نائب صدر علامہ سید نیاز حسین نقوی اور سیکریٹری جنرل علامہ محمد افضل حیدری نے حوزہ علمیہ قم المقدس کے عظیم عالم اوردین شناسی پر مبنی متعدد کتب کے مصنف آیت اللہ ابراہیم امینی کی وفات پر افسوس کا اظہار کرتے ہوئے کہا ہے کہ مرحوم نہ صرف بانی انقلاب اسلامی امام خمینی ؒکے شاگرد تھے بلکہ انقلاب لانے اور اسے برقرار رکھنے کی جدوجہد میں شامل رہے۔آیت اللہ ابراہیم امینی نے دین شناسی کے حوالے سے متعدد کتب بھی تحریر کیں، جن سے عوام کو دین مبین آسانی کے ساتھ سمجھنے میں رہنمائی ملتی ہے۔ مرحوم کی دینی اورانقلابی خدمات کو ہمیشہ یاد رکھا جائے گا۔