Raza Musani 
غزہ : غزہ میں صیہونی رجیم کے وحشیانہ حملے جاری ہیں ۔النصیرات کیمپ میں ایک رہائشی مکان پر صیہونی حکومت کے فضائی حملے میں سات بچوں سمیت 12 افراد شہید ہوگئے۔ الشجاعیہ میں فلسطینی شہریوں پر اسرائیلی فضائی حملے میں ایک شخص شہید اور تین زخمی ہو گئے۔ گذشتہ 24 گھنٹوں کے دوران صیہونی حکومت نے غزہ کی پٹی کے مختلف علاقوں میں قتل عام کے 9 جرائم کا ارتکاب کیا ہے جس کے نتیجے میں 87 افراد شہید اور 104 زخمی ہوئے ہیں جب کہ بڑی تعداد میں شہداء کی لاشیں ملبے تلے دبی ہوئی ہیں اور صیہونی فوج، امدادی فورسز کو انہیں باہر نکالنے اور زخمیوں کی مدد کرنے کی اجازت نہیں دیتی۔ طوفان الاقصیٰ کے آغاز سے اب تک شہداء کی تعداد 28 ہزار 663 شہداء اور زخمیوں کی تعداد 68 ہزار 395 ہو گئی ہے.
