پشاور میں المناک سانحہ، اسکول کی چھت گرنے سے 34 بچے اور خاتون ٹیچر جاں بحق

پشاور: پشاور کے علاقے دیر کالونی میں 3 منزلہ نجی اسکول کی چھت گرنے سے 34 بچے اور 1 خاتون ٹیچر جاں بحق ہو گئیں، جاں بحق بچوں میں 6 بچیاں بھی شامل ہیں۔ اسپتال انتظامیہ کے مطابق لیڈی ریڈنگ اسپتال میں 33 اور نصیر اللّٰہ بابر میموریل اسپتال میں 2 افراد کی لاشیں لائی گئیں۔ سی سی پی او میاں سعید کا کہنا ہے کہ نجی اسکول کے مالک کو گرفتار کر لیا ہے۔ریسکیو حکام کے مطابق صبح 8 بج کر 48 منٹ پر اسکول کی چھت گرنے کی اطلاع ملی تھی۔ریسکیو حکام نے بتایا ہے کہ لیڈی ریڈنگ اسپتال میں 20 اور نصیر اللّٰہ بابر اسپتال میں 33 زخمی لائے گئے، بعض کی حالت تشویش ناک ہے، ملبے تلے دبے تمام افراد کو نکال لیا گیا.