Raza Musani 
صنعا : یمنی وزیراعظم کے مشیر حامد عبدالقادر انطار نے متحدہ عرب امارات کو خبردار کیا ہے کہ اگر اس نے یمن کے خلاف سعودی زیرقیادت جنگ میں اپنی شمولیت جاری رکھی تووہ مزیدحملوں کا شکار ہو گا۔یمن کو کسی بھی جارحیت کا جواب دینے کا جائز حق ہے۔سعودیوں اور اماراتیوں کا خون یمنیوں کے خون سے زیادہ قیمتی نہیں ہے۔ آنکھ کے بدلے آنکھ اور دانت کے بدلے دانت۔ دبئی ایکسپو سمیت کسی بھی مقام کو نشانہ بناسکتے ہیں۔ یمنی مشیر نے کہا کہ یمن میں ایرانی ہتھیار استعمال کرنے کے بے بنیاد الزامات لگار کر سعودی امریکی دشمن یمن، اس کے جزائر اور اس کے ساحلوں پر اپنے قبضے کو قانونی حیثیت دینا چاہتا ہے۔ سعودی عرب اور متحدہ عرب امارات خطے میں واشنگٹن کے منصوبے پر عمل پیرا ہیں۔ ادھر یمن کی فوج کے نائب کمانڈر علی الموشکی نے طوفان 2 آپریشن کی طاقت و توانائی کی جانب اشارہ کرتے ہوئے کہا کہ اس کارروائی کے دوران اہم اور جدید ترین ہتھیاروں کا استعمال کیا جا رہا ہے۔ ہمارے پاس ایسے ہتھیار اور ڈرون ہیں جو دشمن کو نشانہ بنانے کی صلاحیت رکھتا ہے۔ تمام جارحین ہمارے ڈرون اور میزائلوں کے نشانے پر ہیں ۔
