یمن سے ابوظہبی پر ڈرون حملہ، 3 افراد ہلاک

ابوظہبی : یمن سے ابوظہبی پر ڈرون حملے میں تین افراد ہلاک اور 6زخمی ہوگئے۔ یمنی فوج نے حملے کی ذمہ داری قبول کرتے ہوئے کہا ہے کہ جارح عرب امارات کو ایسے مزید حملوں کیلئے تیار رہنا چاہئے۔ ابوظہبی میں ادنوک تیل کمپنی کے قریب بارودی ڈرون سے حملہ کیا گیا جس سے تین آئل ٹینکروں میں دھماکے کے بعد آگ لگ گئی جس سے ابوظہبی ایئرپورٹ کے زیر تعمیرعلاقے میں آگ بھڑک اٹھی۔ پولیس نے کہا ہے کہ ابتدائی تفتیش سے معلوم ہوا ہے کہ مذکورہ علاقوں میں چھوٹے اجسام کی پروازیں ریکارڈ کی گئی ہیں جن سے اندازہ ہوتا ہے کہ کوئی چھوٹے ڈرون تھے جن کی وجہ سے حادثے ہوا ہوگا۔ مرنے والوں میں دو بھارتی اور ایک پاکستانی شامل ہیں۔