ایک قوم بننے کی جانب بڑھ رہے ہیں، فرقہ واریت پھیلانے والوں کو کبھی کامیاب نہیں ہونے دینگے، علامہ راجہ ناصر

اسلام آباد: ایم ڈبلیو ایم کے سربراہ علامہ راجہ ناصر عباس جعفری نے کہاہے کہ عالمی ایجنڈے کے تحت پی ٹی آئی حکومت کو گرایا گیا۔ اسلام آباد میں پی ٹی آئی رہنماؤں کے ہمراہ نیوز کانفرنس میں علامہ راجا ناصر عباس نےکہاکہ انتخابات سے قبل کوشش کی گئی کہ لوگوں کو ڈرایا اور مایوس کیا جائے۔ انتخابات کو غیر آئینی طریقے سے تاخیر کا شکار کیا گیا۔ انتخابات میں آزاد امیدواروں کو ڈرایا دھمکایا گیا۔بے ڈھنگے طریقے سے الیکشن کروائے گئے۔
علامہ راجا ناصر عباس نے کہا کہ پی ٹی آئی نے مقاومت اور مقابلہ کرنے کی تاریخ رقم کردی۔ لیڈر شپ کو جیلوں میں ڈالا گیا۔ کیسز بنائے گئے۔ ملک کے 80 فیصد عوام بانی پی ٹی آئی کے ساتھ کھڑے ہیں۔ فرقہ واریت پھیلانے والوں کو کامیاب نہیں ہونے دیں گے۔ علامہ راجا ناصر عباس نے کہاکہ ہم پی ٹی آئی کا ساتھ دیں گے۔ ان پر بوجھ نہیں بنیں گے۔ علامہ راجا ناصر عباس نے کہا کہ عوام نے جنہیں مسترد کیا انہیں مسلط کرنے کی کوشش کی جارہی ہے۔ ایک دوسرے پر کوئی تحفظات نہیں، ہم ایک ہیں۔ انہوں نے کہا کہ ہم ملک بنانے میں بھی ایک تھے اور اب ملک بچانے کا مرحلہ ہے اس پر بھی ہم ایک ہیں۔ ہم عمران خان کی قیادت میں ایک قوم بننے کی جانب بڑھ رہے ہیں۔ وطن بچانے کی تحریک میں پیچھے نہیں ہٹیں گے۔