جہا د اور شہادت انقلا ب کا مظہرہیں،انہیں زندہ رکھا جائے(ولی امر مسلمین)

شہد ا فداکاری اور ایثار کا مظہرہیں، انہوں نے اسلام اور انقلاب کا بھر پور دفاع کیا،کچھ لوگ جہاد اور شہادت کو فراموش کرانے کی مذموم کوشش کررہے ہیں
فسق و فجور اور دنیا طلبی کی جانب راغب کرنے کے بجائے معاشرے میں ایثار و شہادت اور فداکاری کی پہچان کروائی جائے تو نوجوان نسل اس جانب راغب ہوگی
تہران(نیوز ڈیسک) ولی امر مسلمین آیت اللہ سید علی خامنہ ای نے کہا ہے کہ کچھ لوگ جہاد اور شہادت کو فراموش کرانے کی مذموم کوشش کررہے ہیں ایسے افراد کا بھر پور مقابلہ کرنا چاہیے اور انقلاب کے مظہر، جہاد و شہادت کے اہم امور کو ہمیشہ زندہ رکھنے کی کوشش کرنی چاہیے، صوبہ ہرمزگان کی شہداء کمیٹی کے ارکان سے ملاقات میں ولی امر مسلمین نے شہدا کو فداکاری اور ایثار کا مظہر قراردیا اور کہاکہ شہداء نے اسلام اور انقلاب کا بھر پور دفاع کیا،ان کی تعظیم و تکریم اور تجلیل ہم سب کا فریضہ ہے،انہوں نے شہداکی تعلیم و تربیت اور کارناموں سے نوجوان نسل کو آشنا کرانے پرزور دیا اور کہاکہ فسق و فجور اور دنیا طلبی کی جانب راغب کرنے کے بجائے معاشرے میں ایثار و شہادت اور فداکاری کی معرفت، شناخت اور پہچان کروائی جائے تو نوجوان نسل اس جانب راغب ہوگی اور شہدا کے راستے کو جاری و ساری رکھے گی۔