Raza Musani 
غزہ : حماس نے فاتحانہ انداز میں قید مزید چار خواتین اسرائیلی فوجیوں کو رہا کر دیا۔ حماس نے چاروں فوجیوں کو غزہ سٹی کے فلسطین اسکوائر میں ریڈ کراس حکام کے حوالے کیا۔ حماس اور اسلامی جہاد کے متعدد نقاب پوش مزاحمت کار چوک پر جمع ہوئے جہاں فلسطینیوں کا ایک بڑا ہجوم بھی موجود تھا۔ ریڈ کراس کے نمائندوں اور حماس کے ایک جنگجو نے دستاویزات پر دستخط کئے۔ فوجی وردیوں میں ملبوس اسرائیلی خواتین نے رہائی کے بعد ہجوم کی طرف دیکھ کر ہاتھ ہلایا۔
حماس کی فتح کے یہ مناظر اسرائیل دارالحکومت تل ابیب میں بڑی اسکرین پر براہ راست دکھائے گئے۔ قیدی رہا ہوتے ہی اسرائیلی ہجوم نے خوشی کا اظہار کیا۔
اسرائیل ایک خاتون فوجی کے بدلے پچاس خواتین اور نابالغ فلسطینیوں کو رہا کرے گا۔ ستر قیدیوں کی رہائی آج ہی عمل میں آئے گی۔
