Raza Musani 
ویانا : اقوام متحدہ نے اسرائیل سے مطالبہ کیا ہے کہ وہ محصور علاقے تک امداد پہنچانے کے لیے اسے غزہ میں لامحدود رسائی کی اجازت دے۔ اقوام متحدہ کے سربراہ کے ترجمان اسٹیفن دوجارک نے کہا کہ بین الاقوامی انسانی قانون کے مطابق شہریوں کو جہاں کہیں بھی چاہیں مدد حاصل کرنے کی اجازت ہونی چاہیے۔اسرائیلی حکام مسلسل شمالی غزہ کے اسپتالوں تک رسائی کی کی درخواستوں کو مسترد کرتے رہے ہیں۔ انہوں نے کہا کہ عالمی ادارہ صحت ہمیں بتاتا ہے کہ اسرائیلی حکام کمال عدوان اور العودہ ہسپتالوں تک رسائی کی اجات نہیں دے رہے ہیں۔ دوجارک نے مزید کہا کہ گزشتہ ہفتے اسپتالوں میں بین الاقوامی ایمرجنسی میڈیکل ٹیم کی تعیناتی کی تین کوششوں کو روک دیا گیا تھام انہوں نے کہا کہ شمالی غزہ ایک ماہ سے زائد عرصے سے مکمل طور پر محاصرے میں ہے اور وہاں کے لوگوں کو انخلا کا حکم دیا گیا ہے۔ تاہم جنوب کی طرف جانے کی کوشش کرنے والے فلسطینیوں کو اسرائیلی سنائپرز اور ڈرونز نے نشانہ بنایا ہے۔۔
