ترکی کی شام میں بھی روس سے ٹکرانے کی تیاریاں

ادلب میں زمین سے فضا میں مار کرنے والے میزائل نصب کر دیئے
انقرہ(نیوز ڈیسک) ترکی نے ادلب میں زمین سے فضا میں مار کرنے والے میزائل نصب کر دیئے ،یہ میزائل ایم آئی ایم-23 نوعیت کے ہیں جنہیں شہر کے شمال مشرقی حصے تفتناز ائیرپورٹ پر نصب کیا گیا ہے ترکی کے اس قدم کا مطلب یہ ہے کہ ترک صدر رجب طیب اردوغان شمالی شام میں بڑی جنگ کی تیاری کر رہے ہیں اور اس علاقے میں شام اور روس کی فضائیہ کا کنٹرول کمزور کرنا چاہتے ہیں ابھی یہ پتہ نہیں چل سکا ہے کہ ترکی کے اس اقدام سے روس اور ترکی کے درمیان گزشتہ مارچ کے مہینے میں ہونے والی جنگ بندی کے معاہدے پر کیا اثرات مرتب ہوں گے تاہم اشارے مل رہے ہیں لیبیا کی سرزمین پر ترکی اور روس کے درمیان شدید مقابلہ چل رہا ہے اور وہاں ترکی کے حامی گروہ نے روس کے حمایت یافتہ جنرل حفتر کے ٹھکانوں پر شدید حملے کئے ہیں۔