ٹرمپ امریکی تاریخ کے کمزور ترین صدر قرار

ٹرمپ صحت اور اقتصادی مسائل سے نمٹنے میں ناکام رہے،امریکی سینیٹر
واشنگٹن (نیوز ڈیسک) امریکی سینیٹر چک شومرنے صدر ٹرمپ کو امریکی تاریخ کا کمزور ترین صدر قرار دے دیا، ایم ایس این بی سی چینل کو انٹرویومیں چک شومر نے کہاکہ امریکی صدر ڈونلڈ ٹرمپ صحت عامہ کے اہم ترین مسئلے اور اسی طرح اقتصادی بحران سے نمٹنے میں بری طرح ناکام رہے اور اب وہ امریکا کی تاریخ کے کمزور ترین صدر بن چکے ہیں ،انہوں نے کہاکہ ٹرمپ نے روسی صدر پیوٹن اور شمالی کوریا کے رہنما کم جونگ اُن کے مقابلے میں بہت ہی کمزور عمل کیا، امریکا کی صورتحال انتہائی تشویشناک ہے اور کورونا کے پھیلاﺅ کے باعث عوام کی بڑی تعداد بے روزگار ہو رہی ہے