Raza Musani 
بیروت : حزب اللہ کے سینئر کمانڈر وسام حسن الطویل کی تشییع جنازہ میں ہزاروں سوگوار شریک ہوئے، لبنان کے جنوبی قصبے خربہ سلم میں شہید راہ قدس وسام طویل کی تشییع جنازہ ہوئی۔ شہید کے جسد خاکی کو حزب اللہ کے پرچم سے ڈھکے تابوت میں اپنے آبائی شہر لے جایا گیا جہاں ہزاروں سوگواروں نے مزاحمت کی حمایت میں نعرے لگاتے ہوئے غاصب صیہونی رجیم کے خلاف استقامت پر زور دیا۔ حزب اللہ کے سینئر رکن نے شہید وسام طویل کی تشییع جنازہ میں شریک سوگواروں سے خطاب میں کہا کہ شہید نے شہادت کے متمنی ہزاروں مجاہدین کی تربیت کی اور اپنے شہید ساتھیوں سے جاملے۔ ہم دشمن سے صرف میزائلوں اور ڈرون کی زبان میں بات کریں گے۔
