غاصب اسرائیل کا کمال عدوان اسپتال پر پھر حملہ، طبی عملہ، نومولود اور مریض زخمی

غزہ : صیہونی فوج نے ایک بار پھر غزہ کے کمال عدوان اسپتال پر بم برسادئے۔ حملے میں طبی عملہ اور کئی مریض زخمی ہوئے ہیں جن میں نومولود بھی شامل ہیں۔ اسپتال پر دوسرے دن بھی کئے گئے حملے میں نرسری کو شدید نقصان پہنچا۔ بعض زخمیوں کی حالت نازک بتائی جاتی ہے۔ ادھر جنگی طیاروں نے رات بھر غزہ کے مختلف علاقوں پر بم برسائے۔ بیت لاہیہ ۔خان یونس۔نصیرات اور غزہ سٹی پر حملوں میں 33 فلسطینی شہید اور پچاس سے زائد زخمی ہوگئے۔ غزہ میں شہدا کی مجموعی تعداد 43 ہزار 374 ہوگئی ہے۔ جبکہ ایک لاکھ 2 ہزار 261 فلسطینی زخمی ہیں۔ سینکڑوں افراد اب بھی تباہ عمارتوں کے ملبے تلے دبے ہوئے ہیں۔
ادھر یو این فوڈ ایجنسی نے خوراک اور امدادی سامان کی سپلائی میں رکاوٹ پر قحط سے خبردار کیا ہے۔ اسرائیل شمالی غزہ میں امدادی سامان پہنچانے کی اجازت نہیں دے رہا ہے۔