واشنگٹن : امریکی وزیر خارجہ مارکو روبیو نے ایران کے ڈرٹی بم حملے سے متعلق اپنے ہی میڈیا کی رپورٹس کو جھٹلادیا۔ ان کا کہنا ہے کہ امریکی انٹیلی جنس ذرائع میں سے بعض جھوٹے اور بعض جھوٹے ہونے کے ساتھ مجرم بھی ہیں، واشنگٹن پر کسی فوری حملے کا خطرہ نہیں دیکھ رہا۔ انہوں نے میڈیا کے دعوؤں کے پسِ پشت بعض انٹیلی جنس ذرائع کو جھوٹا قرار دیا ہے۔ واشنگٹن میں ایک پریس کانفرنس کے دوران سی این این کی رپورٹ سے متعلق سوالات کا جواب دیتے ہوئے بعض انٹیلی جنس ذرائع کو من گھڑت معلومات پھیلانے پر تنقید کا نشانہ بنایا۔ انہوں نے صحافیوں سے گفتگو کرتے ہوئے کہا کہ آپ کے بعض انٹیلی جنس ذرائع جھوٹے ہیں، جبکہ بعض جھوٹے ہونے کے ساتھ مجرم بھی ہیں۔ وہ جھوٹ بولتے ہیں کیونکہ وہ من گھڑت باتیں تخلیق کرتے ہیں۔


































