Raza Musani 
واشنگٹن : امریکا نے پاکستان میں انتخابی دھاندلی کے الزامات کی تحقیقات کا مطالبہ کردیا۔ ترجمان امریکی محکمہ خارجہ میتھیو ملر نے نیوز کانفرنس میں کہا کہ پاکستان سمیت کہیں بھی ایسی دھاندلی کی مکمل چھان بین ہونا چاہئے، البتہ امریکا حکومت بننے کے بعد اس کے ساتھ مل کر کام کرنے کا منتظر ہے۔ انھوں نے مزید کہا کہ مخلوط حکومت پاکستان کا اندرونی معاملہ ہے، کون حکومت بنائے گا اور کون نہیں یہ فیصلہ امریکا کو نہیں پاکستان کو کرنا ہے۔ انہوں نے کہا کہ کئی مالک جہاں پارلیمانی نظام ہے اور جہاں ایک پارٹی کو اکثریت نہیں ملتی وہاں اس طرح کے اتحاد بنتے رہتے ہیں۔ وائٹ ہاؤس نے پاکستان میں شفاف انتخابی عمل یقینی بنانے پر زور دیا ہے۔
