امریکا نے خلائی برتری کیلئے کام شروع کردیا

نجی ادارے کو چھوٹا اور تجرباتی خلائی اسٹیشن بنانے کا ٹھیکہ دے دیا
ورجینیا(نیوزڈیسک)امریکی محکمہ دفاع نے گزشتہ دنوں بڑی خاموشی سے ایک نجی ادارے سئیرا نیواڈا کارپوریشن کو ایک چھوٹا اور تجرباتی خلائی اسٹیشن بنانے کا ٹھیکہ دیا ہے، یہ تجرباتی خلائی اسٹیشن اس کمپنی کے ’شوٹنگ اسٹار کارگو اسپیس کرافٹ‘ کو تبدیل کرکے بنایا جائے گا ،دفاعی تجزیہ نگاروں کا اس بارے میں کہنا ہے کہ زمینی، فضائی اور سمندری برتری کے بعد اب امریکا کی نظریں خلائی برتری پر ہیں جسے وہ آنے والے برسوں میں ہر قیمت پر یقینی بنانا چاہتا ہے، ڈی او ڈی کی جانب سے تجرباتی خلائی اسٹیشن کا ٹھیکہ اسی سلسلے کی پہلی کڑی ہے