غزہ کی صورتحال تصور سے زیادہ بھیانک اور سنگین ہے، ٹام فلیچر

جنیوا : اقوام متحدہ کے انسانی امور کے عہدیدار ٹام فلیچر نے غزہ کی صورتحال کو تصورسے زیادہ بھیانک قرار دیتے ہوئے کہا کہ جنگ زدہ علاقے میں لاشوں کو کتے کھارہے ہیں۔ اقوام متحدہ کے ادارے اوچا کے سربراہ ٹام فلیچر نے غزہ کے دورے کے بعد ایک نیوز کانفرنس میں صحافیوں کو بتایا کہ غزہ کی صورتحال نہایت بری اور سنگین ہے۔ اتنی بری کے کہ جس کا میں نے سوچا بھی نہیں تھا۔ ہر طرف تباہی اور ملبے کے ڈھیر ہیں۔ انہوں نے کہا کہ وہ پہچان نہیں سکتے کہ اسکول۔ اسپتال۔ گھر کہاں ہیں۔ کوئی نشان نہ ہونے کی وجہ سے عملے کو راستہ تلاش کرنے کیلئے جی پی ایس کا استعمال کرنا پڑا۔ انہوں نے کہا کہ عالمی انسانی ہمدردی کی کوششوں کو ایک بے مثال بحران کا سامنا ہے۔