فتنہ گر گروہ دوبارہ میدان میں آگیا ہے،علامہ جواد نقوی

 اتحاد امت کیلئے فتنہ گروں اور فسادیوں کی حوصلہ شکنی کرنا ہوگی
لاہور (نیوز ڈیسک) تحریک بیداری امت مصطفیٰ(ص) کے سربراہ علامہ سید جواد نقوی نے کہا ہے کہ فتنہ گر گروہ دوبارہ میدان میں آگیا ہے یہ کبھی شان سیدہ(ع) اور کبھی صحابہ(رض) کی شان میں گستاخی کرکے اشتعال دلارہا ہے،انہوں نے کہا کہ ملک میں متعصبانہ رویہ ایجاد کرنے کی سازشیں ہو رہی ہیں، اس وقت دشمنان پاکستان توڑنے کی باتیں کر رہے ہیں، ایسے میں ملک کے اندر اتحاد امت کی ضرورت ہے، فتنہ گروں اور فسادیوں کی حوصلہ شکنی کرنا ہوگی، سوشل میڈیا پر فتنہ گروں نے جو گستاخی کی ہے، اس کی انہیں سزا ملنا چاہئے ، علامہ جواد نقوی نے کہا کہ 6جولائی کو فتنہ گروں کا پروگرام روکنے کی یقین دہانی پرجوانوں کا احتجاجی جلسہ منسوخ کردیا ہے، فتنہ گروں کی جانب سے گستاخی میں اضافے سے جوانوں کے جذبات مجروح ہوئے اور انہوں نے ردعمل میں احتجاج کا اعلان کیا ہوا تھا