مسئلہ شیعہ سنی کا نہیں، جنونی رویئے کا ہے،سعودی مفتی

معمولی مسلکی اختلافات پراسلامی یکجہتی کو نقصان نہیں پہنچانا چاہیے
جدہ (نیوز ڈیسک) معروف سعودی عالم اور مسلم ورلڈ لیگ کے سیکرٹری جنرل محمد العیسی نے کہا کہ سنی شیعہ میں کوئی جھگڑا نہیں،معمولی مسلکی اختلافات کی بنا پر اسلامی وحدت اور یکجہتی کو نقصان نہیں پہنچانا چاہیے، ایک ٹی وی چینل کو انٹرویو میں محمد العیسی نے کہاکہ سنی شیعہ کا کوئی جھگڑا نہیں ہے، اصل مسئلہ فرقہ ورانہ سوچ اور جنونی رویئے کا ہے جس کے باعث دوسرے مسلک کو اسلام سے خارج قرار دینے کی افسوس ناک کوشش کی جاتی ہے ،بے شک ہمارا شیعہ حضرات سے بہت سارے مسائل پر فکری اختلاف ضرور ہے، لیکن ان اختلافات کی آڑ میں کسی کواسلامی اخوت ، وحدت اور یک جہتی کو پارہ پارہ کرنے کی اجازت نہیں دی جا سکتی۔ سنی اور شیعہ کے اختلافات ہمارے اندرونی اختلافات ہیں۔ انہیں فرقہ ورانہ رنگ دینے سے باز رہنا چاہیے،دونوں مسالک کے درمیان بے کار کی بحثوں سے کچھ حاصل نہیں ہو گا۔