Raza Musani 
ایمسٹرڈیم: نیدرلینڈز کے الیکشن میں اسلام دشمن گریٹ ویلڈرز کی پارٹی نے بڑی کامیابی حاصل کرلی۔ گریٹ ویلڈرز کی فریڈم پارٹی 150 رکنی پارلیمنٹ میں 37 نشستیں جیت کر سب سے بڑی پارٹی بن کر ابھری ہے۔ تاہم وہ تنہا حکومت بنانے کی پوزیشن میں نہیں۔ گریٹ ویلڈرز کو حکومت بنانے کیلئے دوسری جماعتوں سے اتحاد کرنا پڑے گا۔ سابق یورپی کمشنر فرانس ٹمر مینز کی زیر قیادت بائیں بازو کا اتحاد 25 نشستوں کے ساتھ دوسرے نمبر پر ہے۔
انتہائی دائیں بازو کی جماعت کو ایک ایسے ملک میں بڑی کامیابی ملی ہے جو کہ کبھی تحمل اور برداشت کی مشعل کے طور پر یورپ میں مشہور تھا۔ انتخابی نتائج نے ڈچ سیاست کو ہلا کر رکھ دیا ہے اور اس سے پورے یورپ کو بھی جھٹکا لگے گا۔
انتخابات میں کامیابی کے بعد گیرت وائلڈرز نے اپنے پہلے بیان میں کہا امیگریشن کے سونامی پر قابو پائیں گے۔
خیال رہے کہ فریڈم پارٹی کا رہنما گیرٹ وولڈرز وہی شخص ہے جس نے پارلیمنٹ میں ایک متنازعہ بل پیش کیا تھا جس میں قرآن مجید کی ترسیل پر پابندی کی درخواست کی گئی تھی ساتھ ساتھ وولڈرز ہالینڈ میں خواتین پر پردے کی پابندی کا بل بھی پیش کرچکا ہے۔
