Ilyas 
تعلیم کا اصل مقصد
میں نہیں سمجھتا کہ اس میں کوئی دو رائے ہوں کہ تعلیم و تربیت کا مقصد طالب علم اور معاشرہ کی فکری نشونما ہونا چاہیے۔تعلیم دینے والا کوئی بھی ہو؛ معلّم ، استاد ، خطیب اور واعظ وغیرہ سب کی کوشش طالب علم کی عقل و فکر پروان چڑھانے یعنی اس میں تجزیہ و تحلیل کی قوت و صلاحیت پیدا کرنے پر مرکوز ہونی چاہیے نہ یہ کہ صرف سیکھنے، حاصل کرنے اور حفظ کرنے پر ہی سارا زور صرف کیا جائےاس سے کچھ بھی حاصل نہیں ہوگا۔تعقل یعنی غور و فکر کرنا اور ایسی قوت فکر جس کی بنیاد پر انسان خود نتیجہ لے سکے ، اجتہاد کر سکے اور فرع کو اصل سے ملا سکے۔
