Raza Musani 
تہران : ولی امر مسلمین آیت اللہ خامنہ ای نے پانچ سال بعد مصلیٰ امام خمینیؒ پر تاریخی خطبہ جمعہ دیا اور نماز پڑھائی۔ رہبر معظم کی اقتدا میں نماز پڑھنے کیلئے انسانوں کا سمندر امڈ آیا لاکھوں افراد نے مصلیٰ امام خمینیؒ کے احاطے اور اس کے اطراف میں سڑکوں پر نماز ادا کی ۔ لوگوں نے نماز سے کئی گھنٹوں پہلے ہی پہنچنا شروع کردیا تھا اور صبح سے راستوں پر مرد وخواتین کا رش رہا۔ نماز سے دو گھنٹے پہلے ہی مصلیٰ امام خمینی کا احاطہ مکمل بھر چکا تھا۔ خطبہ کے دوران نمازی امریکا اور اسرائیل کے خلاف نعرے لگاتے رہے۔ رہبر معظم انقلاب کے تاریخی خطبے پر علاقائی اور عالمی ذرائع ابلاغ کی جانب سے بڑے پیمانے پر توجہ دی گئی۔ نیوز ایجنسی اے ایف پی، رائٹرز، الجزیرہ نیٹ ورک، المنار، پاکستانی، ہندوستانی، ترک اور کئی ممالک کے میڈیا نے خطاب کو براہ راست دکھایا۔
