Raza Musani 
تہران : ایرانی عدلیہ کی انسانی حقوق کی کمیٹی کے سیکریٹری اور عالمی امور کے ڈائریکٹر کاظم غریب آبادی نے کہا ہے کہ شہید قاسم سلیمانی قتل کیس کا مقدمہ عراق میں بھی قائم کر دیا گیا ہے اور تہران میں بین الاقوامی امور سے متعلق عوامی اور انقلابی عدالت میں جداگانہ مقدمہ قائم کیا گیا ہے جبکہ دونوں ممالک یعنی ایران اور عراق کی تحقیقاتی کمیٹی نے بھی اس کیس کے حوالے سے اپنا کام شروع کر دیا ہے۔دونوں ملکوں کے عدالتی حکام کی دو میٹنگز بغداد اور تہران میں ہو چکی ہیں جبکہ تیسری میٹنگ عنقریب بغداد میں ہوگی جس کے بعد فرد جرم تیار کر کے تہران کورٹ آف جسٹس کو بھیج دی جائے گی۔کاظم غریب آبادی نے کہا کہ حال ہی میں 300 صفحات پر مشتمل شواہد جس میں اس قتل کیس میں ملوث تقریباً ستر ملزمان اور مشکوک افراد کے نام بھی شامل تھے، عراق کے محکمہ انصاف کو بھیجی گئی ہے جبکہ عراق کی جانب سے بھی ملزمان کے بارے میں معلومات ایران کو فراہم کی گئی ہیں۔
