داعش کے نئے سربراہ کی گرفتاری بڑی کامیابی ہے،عراقی وزیراعظم

ہم مشکل فیصلے کررہے ہیں تاکہ عوام کو کم سے کم مشکلات کا سامنا کرنا پڑے
بغداد (نیوز ڈیسک) عراقی وزیر اعظم مصطفیٰ الکاظمی نے داعش کے نئے سربراہ عبدالناصر قرداش کو گرفتار کرنے کی تصدیق کردی ،انہوں نے کہا کہ داعشی عسکریت پسند کی گرفتاری دہشت گردی کے خلاف جنگ میں عراق کی اہم کامیابی ہے،الکاظمی نے زور دے کر کہا کہ اس وقت حکومت کے سامنے کئی اہداف ہیں ہمارے پاس اپنے اہداف کے حصول کے سوا کوئی چارہ نہیں، عراق کو غیر مسبوق اقتصادی چیلنجز کا سامنا ہے، ہم مشکل فیصلے کررہے ہیں تاکہ عوام کو کم سے کم مشکلات کا سامنا کرنا پڑے،موجودہ حکومت کے اہداف میں ملک میں امن ومان کاقیام، داعش کی بیخ کنی اور زوال پذیر معیشت کو سنھبالا دینا ہے۔ داعشی سربراہ کی گرفتاری کے ذریعے ہم نے دہشت گردی کے خلاف جنگ میں اہم ہدف حاصل کیا ہے۔