Raza Musani 
خرطوم : سوڈان میں سیکیورٹی فورسز فوجی بغاوت کے خلاف احتجاج کرنے والوں پر ٹوٹ پڑی۔ آنسو گیس اور براہ راست فائرنگ سے 4مظاہرین ہلاک اور درجنوں زخمی ہوگئے۔ مظاہرین نے دارلحکومت خرطوم اور دوسرے شہروں میں احتجاجی ریلیاں نکالیں۔ خرطوم میں ہزاروں افراد مظاہرے میں شریک تھے،وہ ڈھول بجا رہے تھے اور سوڈانی جھنڈے لہرا رہے تھے۔مظاہرین نے سیکیورٹی فورسز اور پولیس کی بکتربند گاڑیوں پر جوابی پتھراؤ کیا جہاں سے آنسو گیس چلائی گئی تھی۔اسی طرح کے مظاہرے ملک کے دیگر حصوں بشمول مغربی صوبوں کسالہ اور دارفر اور ساحلی شہر پورٹ سوڈان میں بھی ہوئے ہیں۔ یاد رہے کہ 25 اکتوبر کو فوج نے اقتدار پر قبضہ کرکے سول حکومت کو برطرف کردیا تھا۔
