Raza Musani 
غزہ: یرغمالیوں کی رہائی میں ناکام اسرائیلی حکومت نے نیا حربہ اختیار کرلیا۔
سات اکتوبر 2023ء کو یرغمال بنائے گئے افراد کی تلاش کے لیے اسرائیلی فورسز نے تمام حربے استعمال کرلئے۔
غزہ میں درجنوں قبریں اکھاڑ ڈالیں لیکن یرغمالیوں کی موجودگی کا کوئی ٹھوس سراغ نہیں مل سکا۔ تمام حربوں کی ناکامی کے بعد اسرائیلی فورسز نے غزہ میں پمفلٹس گرائے ہیں جس میں یرغمالیوں کی تصاویر ہیں اور پیغام ہے کہ اہلیان غزہ یرغمالیوں کی تلاش میں مدد کرکے اپنا، اپنے بچوں کا مستقبل محفوظ بنانے کے ساتھ ساتھ معقول انعام بھی حاصل کر سکتے ہیں۔
یرغمالیوں کی رہائی کیلئے نیتن یاہو پر دباؤ بڑھتا جارہا ہے۔ نیتن یاہو حکومت کے خلاف شدید احتجاج جاری ہے جبکہ اہل خانہ نے نیتن یاہو کی رہائش گاہ کے سامنے خیمے لگا لئے ہیں۔
