Raza Musani 
power cut, solar energy,education, power, writing, boy, India, night
الماتے: وسطی ایشیا کی تین اسلامی ریاستوں کرغستان، ازبکستان اور قازقستان میں بجلی کی فراہمی بڑے پیمانے پر اچانک منقطع ہوگئی ہے۔اور لاکھوں افراد بجلی سے محروم ہوگئے۔ بلیک آؤٹ نے پورے خطے میں کئی گھنٹوں تک افراتفری پھیلائے رکھی ۔سب وے ٹرینیں سرنگوں میں پھنسی رہیں اور لفٹوں پر اسکائیرز، ہوائی اڈے بند ہو گئے۔ ڈسٹرکٹ ہیٹنگ اور نل کے پانی کے پمپ بند ہو گئے اور ٹریفک لائٹس بند ہو گئیں۔کرغستان اور ازبکستان کے دارالحکومتوں میں پہلے بجلی کی فراہمی معطل ہوئی اور اس کے ساتھ ہی قازقستان کے اقتصادی مرکز الماتے میں بھی بجلی بند ہوگئی۔ عالمی ذرائع ابلاغ کے مطابق اچانک بجلی کی عدم فراہمی کے سبب تینوں ممالک میں دور دور تک اندھیرا پھیل گیا۔ میڈیا کے مطابق وسطی ایشیائی ممالک میں بجلی کی کٹوتی قازقستان میں ٹرانزٹ لائنوں کے اوور لوڈنگ کی وجہ سے ہوئی ہے۔تینوں ممالک کے گرڈ ایک دوسرے سے جڑے ہوئے ہیں اور قازقستان کے راستے روسی پاور گرڈ سے منسلک ہیں جسے وہ غیر متوقع کمی کو پورا کرنے کے لیے استعمال کر سکتے ہیں۔ کئی گھنٹوں بعد بجلی کی سپلائی بحال کرنا شروع کردی گئی۔
