Raza Musani 
لاہور : محکمہ داخلہ پنجاب نے محرم الحرام میں دفعہ 144 نافذ کر دی گئی ہے۔ ایڈیشنل چیف سیکریٹری داخلہ سید علی مرتضیٰ نے اس حوالے سے خصوصی احکامات جاری کر دیئے ہیں۔ سیکشن آفیسر محکمہ داخلہ بلال احمد نے نوٹیفکیشن جاری کر دیا۔ نوٹیفکیشن کے مطابق ہر قسم کے اسلحہ کی نمائش پر پابندی عائد ہو گی، لائسنس شدہ اسلحہ ساتھ رکھنے پر بھی پابندی عائد کر دی گئی ہے۔ محکمہ داخلہ کے مطابق جلوس کے راستوں کے قریب کسی قسم کی نئی تعمیرات کی اجازت نہیں ہو گی۔ محکمہ داخلہ کے مطابق 9 اور 10 محرم الحرام کو موٹر سائیکل کی ڈبل سواری پر پابندی عائد ہو گی جبکہ جلوس کے روٹ پر موبائل فون سروس بھی معطل کر دی جائے گی۔ محرم الحرام کے دوران بینرز، پلے کارڈز اور اشتعال انگیز تقاریر پر پابندی عائد کر دی گئی ہے۔
