قحط زدہ غزہ کے مناظر نازی کیمپوں سے بھی بدتر ہیں، اردوان

انقرہ: اسرائیل کے قریبی ساتھی ترک صدر طیب اردوان نے کہا ہے کہ قحط زدہ غزہ کے مناظر نازی کیمپوں سے بھی بدتر ہیں۔ جہاں لوگ دنیا کی آنکھوں کے سامنے غذا اور پانی سے محروم ہیں۔ اردوان نے انقرہ میں اپنے قازق ہم منصب قاسم جومارٹ توکایف کے ساتھ نیوز کانفرنس میں کہاکہ دہشت گرد ریاست غزہ میں ہمارے بھائیوں کی نسل کشی اور بے دردی سے قتل عام کر رہی ہے۔
انہوں نے مزید کہا کہ اسرائیل کا بھوک کو فلسطینیوں کے خلاف بطور ہتھیار استعمال کرنا اس بات کا ثبوت ہے کہ ان میں انسانیت نہیں ہے۔ اردوان نے غزہ میں انسانی صورتحال کو تباہ کن قرار دیا۔ اور تمام باضمیر ممالک بالخصوص اسلامی ممالک اور تمام لوگوں پر زور دیا کہ وہ اسرائیلی حملوں کا مقابلہ کرنے کے لیے اپنی آواز بلند کریں۔