سعودی صحافی جمال خاشقجی کے قاتلوں کی معافی مسترد

قاتل سعودیہ سے خاشقجی کو قتل کرنے کا ارادہ کر کے آئے تھے ،خدیجے چنگیز
واشنگٹن (نیوزڈیسک) ترکی میں سعودی قونصل خانے میں بہیمانہ طریقے سے قتل کئے گئے معروف صحافی جمال خاشقجی کی منگیترخدیجے چنگیز نے قاتلوں کی معافی کو مسترد کردیا ہے، خدیجے چنگیز نے ٹوئٹر پر اپنے پیغام میں لکھا کہ جمال خاشقجی بین الاقوامی علامت بن گئے تھے جنہیں سراہا گیا اور پیار ملا ، قاتل سعودیہ سے یہ ارادہ کر کے آئے تھے کہ انہیں بہلا پھسلا کر گھات لگا کر مار ڈالیں گے، اس سے پہلے خاشقجی کے بیٹے صالح نے کہا کہ بیٹوں کی حیثیت سے وہ اس ماہ رمضان کی فضیلت والی رات اللہ رب العزت کی خاطر اپنے والد کے قاتل کو معاف کرتے ہیں۔ہم سب اللہ سے اجر کی امید رکھتے ہیں۔