ریاض:اقتدارکی رسہ کشی، شاہ عبداللہ کا بیٹا فیصل بھی گرفتار

نامعلوم مقام پرمنتقل، فیصل کو 2017میں بھی گرفتار کیاجاچکا ہے
کراچی (نیوز ڈیسک) سعودی عرب میں اقتدار کی رسہ کشی تیز ہوگئی ،شہزادہ محمد بن سلمان نے اقتدار پر گرفت مضبوط کرنے کیلئے مرحوم بادشاہ عبداللہ کے بیٹے فیصل بن عبداللہ کو بھی گرفتار کرادیا ، فیصل کو 27 مارچ کو سیکیورٹی فورسز نے گرفتار کیا تھا، اس وقت وہ کورونا وائرس کی وبا پھیلنے کی وجہ سے سماجی فاصلہ اختیار کیے ہوئے تھے،حقوق انسانی کیلئے سرگرم بین الاقوامی گروپ نے انکشاف کیا ہے کہ فیصل بن عبداللہ کو 27مارچ کو گرفتارکیا گیا تھا جب سے ان کی کوئی خبر نہیں کہ انہیں کہاں رکھا گیاہے، انہیں 2017میں بدعنوانی کیخلاف چلائی گئی نام نہاد مہم کے دوران بھی گرفتار کیا گیا تھا۔