Raza Musani 
لاہور: محکمہ اوقاف پنجاب کی سرد مہری اور غفلت کے باعث دربار بی بی پاکدامنؒ کو زائرین کیلئے نہیں کھولا جا سکا۔ یکم ذوالحجہ سے 10 ذوالحجہ کے درمیان ملک بھر سے آنے والے ہزاروں زائرین دربار پر حاضری دیتے ہیں لیکن محکمہ اوقاف نے تعمیراتی کام کا بہانہ بناکر دربار کو بند کررکھا ہے۔ چند روز قبل ایم ڈبلیو ایم پنجاب کے سینیئر نائب صدر علامہ حسن رضا ہمدانی کی زیر قیادت عمائدین نے زبردستی دربار کھلوایا تھا جسے وقتی طور پر کھولا گیا۔ زائرین نے محکمہ اوقاف کے رویے پر افسوس کا اظہار کیا ہے۔ زائرین نے مطالبہ کیا ہے کہ محکمہ اوقاف بغض کا مظاہرہ نہ کرے بلکہ فی الفور دربار بی بی پاکدامنؒ کو زائرین کیلئے کھولا جائے۔
