سوڈان میں فوجی بغاوت کیخلاف احتجاج، 58 اہلکار زخمی

خرطوم : سوڈان میں فوجی بغاوت کے خلاف احتجاجی ریلیوں میں پولیس اور مظاہرین کے درمیان جھڑپوں میں 58 پولیس اہلکار زخمی ہوگئے۔ مظاہروں اور جھڑپوں میں شریک 114 مظاہرین کو گرفتار کر لیا گیا اور ان کے خلاف قانونی کارروائی جاری ہے۔ ملک میں جمہوریت کی بحالی کے لیے دارالحکومت خرطوم اور اُم درمان شہر میں احتجاجی ریلیاں نکالی گئی تھیں۔ سوڈان میں 25 اکتوبر کو فوج نے اقتدار پر قبضہ کیا تھا۔