Raza Musani 
ضلع لیہ کے علاقہ شاہ پور میں بدبخت شخص کی جانب سے مقدسات کی بے حرمتی کیخلاف شیعہ، سنی شہریوں کی جانب سے احتجاجی ریلی نکالی گئی، ریلی شاہ پور سے برآمد ہوئی اور کاظمی چوک پہنچ کر مظاہرین نے روڈ کو بلاک کرکے بھرپور احتجاج ریکارڈ کرایا۔ اس موقع پر مقررین کا کہنا تھا کہ گستاخ شخص کو کڑی سے کڑی سزاء دی جائے، مسلمان اپنے مقدسات کی توہین ہرگز برداشت نہیں کرسکتے۔ شیعہ علماء کونسل کے ضلعی رہنماء سید سعادت کاظمی ایڈووکیٹ نے بتایا کہ ہم کسی صورت علاقہ کی پرامن فضا خراب نہیں ہونے دیں گے، انتظامیہ کی یقین دہانی پر احتجاج ختم کر رہے ہیں، تاہم اگر کوئی کارروائی عمل میں نہ لائی گئی تو دوبارہ سڑکوں پر نکلیں گے۔ واضح رہے کہ گذشتہ روز ایک ملعون شخص نے پہلے معروف بزرگ حضرت قادر شیر کے دربارہ کی بے حرمتی کی اور پھر مسجد جعفریہ شاہ پور میں قرآن پاک کے نسخے نذر آتش کیے۔
