Raza Musani 
کراچی: کراچی میں جوڈیشل مجسٹریٹ نے دعا زہرا کو عدالتی حکم کے بغیر عدالت میں پیش کرنے سے روک دیا۔ دعا زہرہ کو جوڈیشل مجسٹریٹ ضلع شرقی کی عدالت میں پیش کیا گیا۔ عدالت کا کہنا تھا کہ بچی کو پیش کرنے کا حکم اس بات کو یقینی بنانا تھا کہ دارالامان میں ماحول ٹھیک ہے۔ عدالت نے سرکاری وکیل کو ہدایت کی جب تک عدالت حکم نہ دے تو دعا زہرا کو پیش نہ کیا جائے۔ دعا زہرہ کو غیر ضروری تاریخوں پر پیش نہ کیا جائے، جب عدالت ضرورت محسوس کرے گی پیش کرنے کے احکامات جاری کریں گے۔ دعا زہرہ نے بتایاکہ دارالامان میں انہیں بہتر ماحول میسر ہے۔ ظہیر احمد نے سیشن کورٹ میں درخواست دائر کی تھی کہ ان کی اہلیہ کو لاہور سے کراچی منتقل کرنے کے 24 گھنٹے گزرنے کے باوجود عدالت میں پیش نہیں کیا جا رہا جس کا نوٹس لیتے ہوئے آج بدھ کے روز دعا زہرہ کو عدالت میں پیش کیا گیا۔عدالت نے سماعت یکم اگست تک ملتوی کر دی۔
