Raza Musani 
تہران: ایران میں نئے صدر کے انتخاب کیلئے پولنگ جاری ہے۔ پولنگ کا آغاز مقامی وقت کے مطابق صبح 8 بجے ہوا اور یہ شام 6 بجے تک جاری رہے گی۔ ایران میں رجسٹرڈ ووٹروں کی تعداد چھ کروڑ دس لاکھ ہے اور ان کیلئے اٹھاون ہزار چھ سو چالیس پولنگ اسٹیشنز بنائے گئے ہیں۔ عامر حسین قازی زادہ ہاشمی اور علی رضا زاکانی کی دستبردای کے بعد 4 امیدوار میدان میں رہ گئے ہیں۔ اصل مقابلہ سعید جلیلی, باقر قالیباف اور مسعود پزشکیان کے درمیان ہوگا۔ ولی امر مسلمین آیت اللہ خامنہ ای نے تہران میں اپنا ووٹ کاسٹ کردیا۔ انہوں نے عوام سے الیکشن میں بھرپور شرکت اور زیادہ سے زیادہ ووٹ ڈالنے کی اپیل کی۔
