Raza Musani 
تل ابیب : صیہونی وزیر اورٹ اسٹروک نے شرانگیزی کا مظاہرہ کرتے ہوئے کہا ہے کہ فلسطینیوں کو زمین اور ووٹنگ کے قومی حقوق نہیں ہونے چاہئیں۔ اسرائیلی اخبار یدیوت اہرنوٹ سے انٹرویو میں اورٹ اسٹروک نے آنے والی ٹرمپ انتظامیہ کے تحت مقبوضہ مغربی کنارے میں زیادہ سے زیادہ زمین کو ضم کرنے کے اپنے منصوبوں کا خاکہ پیش کیا اور کہا کہ فلسطینیوں کو مکمل انفرادی حقوق حاصل ہوں گے لیکن انہیں قومی حقوق نہیں ملیں گے۔ انہوں نے کہا کہ ان کا دفتر پوری طرح سے کام کر رہا ہے تاکہ اس بات کو یقینی بنایا جا سکے کہ اگر الحاق ہوتا ہے تو یہ زیادہ سے زیادہ علاقے کا احاطہ کرے گا۔ انہوں نے کہا تمام لوگوں کو انسانی حقوق حاصل ہیں لیکن زمین پر حق صرف اور صرف اسرائیل کے لوگوں کا ہے۔ انہوں نے کہا کہ فلسطینیوں کو کوئی بھی علاقہ دینے کے ساتھ ساتھ دو ریاستی حل کے خیال کی حمایت کرنا امن کی بجائے دہشت کو جنم دے گا۔
