Raza Musani 
لاہور: لاہور میں جوڈیشل مجسٹریٹ نے دعا زہرا کو کراچی بھیجنے کا حکم دے دیا۔ عدالت نے تحریری فیصلہ میں حکم دیا ہے کہ پولیس دعا زہرا کو عدالت میں پیش کرنے سے پہلے کسی کے حوالے نہ کرے۔اس کے تحفظ کو یقینی بنائے۔ مرضی کے بغیر دعا سے کسی کو نہ ملنے دیا جائے۔ مدعی مقدمہ مہدی کاظمی کے وکلا احمد شیر جٹ اور فہد صدیقی عدالت کے سامنے پیش ہوئے۔ عمر کے تعین کے لیے تیسرا میڈیکل ٹیسٹ کرانے کی درخواست پر مدعی کے وکیل نے اعتراض کیا اور موقف اپنایا کہ ہائیکورٹ کا ڈویژن بنچ اس متعلقہ فیصلہ دے چکا لہذا اس عدالت کا دائرہ اختیار نہیں۔ کراچی میں میڈیکل بورڈ بچی کا ٹیسٹ کر چکا بچی کم عمر ڈیکلیئر ہو چکی ہے۔
