صدر پیوٹن پر امریکی پابندیوں کے تباہ کن نتائج برآمد ہوں گے، روس

ماسکو : روس نے امریکا کو صدر پیوٹن پر پابندیوں کے تباہ کن نتائج سے خبردار کردیا۔ روسی حکومتی ترجمان نے کہا ہے کہ صدر پیوٹن پر پابندیوں سے سیاسی طور پر کوئی فرق نہیں پڑے گا، تاہم اس کے تنائج مہلک ہوں گے۔ اس سے پہلے
امریکی صدر جو بائیڈن نے کہا تھا کہ اگر روس یوکرائن پر حملہ کرتا ہے تو صدر پیوٹن کو خطرناک نتائج کا سامنا کرنا پڑے گا جس میں اُن پر ذاتی پابندیاں بھی شامل ہوں گی۔ چند روز قبل امریکہ نے دعویٰ کیا تھا کہ روس خود پر جعلی حملے کروا کے یوکرائن پر حملہ کرے گا۔ انہوں نے کہا تھا کہ روس یوکرائن پر حملے کی تیاری کر رہا ہے اور اگلا ایک ہفتہ انتہائی اہم ہے۔