دنیا کی کوئی طاقت آرٹیکل 370 کو بحال نہیں کر سکتی، مودی

نئی دہلی : ہندوستانی وزیر اعظم نریندر مودی نے کہا ہے کہ دنیا کی کوئی طاقت جموں و کشمیر کی جزوی خودمختاری بحال نہیں کر سکتی۔ جموں وکشمیر کے پارٹی ارکان اسمبلی سے خطاب میں نریندر مودی نے کہا کہ آرٹیکل 370 کی بحالی کا خواب دیکھنے والوں کو یہ حقیقت ذہن میں رکھنی چاہیے کہ جموں وکشمیر کی خصوصی حیثیت کو منسوخ کرنے کا فیصلہ کوئی عام فیصلہ نہیں تھا۔ دنیا کی کوئی طاقت اسے کالعدم نہیں کر سکتی۔ انہوں نے کہا کہ انھوں نے آرٹیکل 370 کی دیوار کو قبرستان میں دفن کر دیا ہے۔ نریندر مودی نے یہ بیان جموں وکشمیر اسمبلی میں آرٹیکل 370 کی بحالی کی قرارداد کی منظوری کے ایک دن بعد دیا۔ آرٹیکل 370 کو اگست 2019 میں ہندو توا بی جے پی حکومت نے منسوخ کر دیا تھا۔