نیو یارک کانفرنس میں فلسطینی ریاست کو تسلیم کرنے پر زور

نیویارک: اقوام متحدہ کی کانفرنس میں فلسطینیوں کی نسل کشی پر احتجاج کتے ہوئے فلسطینی ریاست کو عالمی سطح پر تسلیم کرنے پر زور دیا گیاہے۔
سعودی عرب اور فرانس نے تین روزہ کانفرنس کے بعد مشترکہ اعلامیہ جاری کردیا جس میں غزہ میں جنگ کے فوری خاتمے پر زور دیا گیا۔ اعلامیے میں محدود مدت کے اندر اسرائیل کے ساتھ ایک آزاد اور خودمختار فلسطینی ریاست کا خاکہ پیش کیا گیا جس میں فریقوں کےلیے سیکیورٹی گارنٹی کا خیال رکھا گیا ہے۔
اعلامیے میں کہا گیا کہ غزہ کی جنگ کو اب ختم ہونا چاہیے۔ حماس کی طرف سے اسرائیلی شہریوں پر حملوں اور غزہ میں وسیع پیمانے پر شہری اموات اور انفراسٹرکچر کی تباہی کی مذمت کی گئی ہے۔ اعلامیے میں خبردار کیا گیا کہ جاری تنازع میں ایک قابل اعتبار امن کے راستے کی عدم موجودگی، علاقائی اور بین الاقوامی استحکام کے لیے سنگین خطرات کا باعث بن سکتی ہے۔ اعلامیہ میں مصر قطر اور امریکہ کی ثالثی میں فوری طور پرایک مرحلہ وارجنگ بندی کے معاہدے کے نفاذ پر زور دیا گیا ہے تاکہ لڑائی کا ختم ہوسکے، یرغمالیوں کی بحفاظت رہائی کو یقینی بنایا اور اسرائیلی فوجیوں کا غزہ سے انخلا ممکن بنایا جائے۔