مون سون بارش، حب ڈیم مکمل بھر گیا، اسپیل وے سے سیلابی پانی کا اخراج

حالیہ مون سون کی بارشوں سے حب ڈیم میں پانی بھرنے کے بعد اسپیل وے سے آہستہ آہستہ سیلابی پانی کا اخراج شروع ہو گیا ہے۔ حب ڈیم 6,87,000 ایکڑ فٹ پانی کے ذخیرہ آب کے ساتھ 339.15 فٹ کی زیادہ سے زیادہ سطح پر بھر گیا ہے۔ حب اور کراچی کے لئے ساڑھے تین سال کا ذخیر آب جمع ہوگیا ہے۔ حب ڈیم میں مزید پانی اسٹوریج کی گنجائش باقی نہیں رہی ہے۔ انہوں نے کہا کہ دریجی اور شاہ نورانی علاقوں میں جاری بارشوں کے باعث پانی کے بہاؤ میں تیزی سے اضافہ ہو رہا ہے۔ ڈیم انتظامیہ کے مطابق مزید سیلابی پانی کے ریلوں کی آمد کا سلسلہ جاری ہے۔ ڈپٹی کمشنر لسبیلہ افتخار بگٹی کے مطابق حب ڈیم کے ایریا میں لیویز اور پولیس فورس تعینات کرکے سکیورٹی ہائی الرٹ کردی گئی ہے۔ حب ندی میں ایمرجنسی نافذ کرکے چھوٹی بڑی گاڑیوں کا داخلہ بند کردیا گیا ہے۔ لیویز پولیس فورس کے جوانوں نے کسی بھی ایمرجنسی صورتحال سے نمٹنے کیلئے پٹرولنگ شروع کردی ہے۔