مائیکرو سافٹ کا متعصبانہ طرزِعمل، غزہ میں اپنے پیاروں سے بات کرنے والے فلسطینیوں کی ڈیجیٹل زندگیاں ختم

واشنگٹن: مائیکروسافٹ نے اسکائپ کے ذریعے غزہ میں اپنے گھر والوں سے فون پر بات کرنے والے فلسطینیوں کے ای میل بِنا کسی وارننگ کے بند کر دیے ہیں جس سے ان کی ڈیجیٹل زندگیاں ختم ہو گئی ہیں۔
بی بی سی نے ملک سے باہر رہنے والے ایسے 20 فلسطینیوں سے بات کی ہے جن کا کہنا ہے کہ وائس اور ویڈیو چیٹ ایپ کی مالک کمپنی مائیکروسافٹ نے انھیں ان کے اکاؤنٹس سے لاگ آؤٹ کر دیا ہے۔ خیال کیا جا رہا ہے کہ متاثرین کی تعداد بہت زیادہ ہو سکتی ہے۔
کئی افراد کے ای میل اکاؤنٹس 15 سال سے زیادہ پرانے ہیں اور صارفین کے پاس ایسا کوئی طریقہ نہیں ہے جس کے ذریعے وہ پرانی ای میلز، رابطوں کی تفصیلات یا یادوں کو ہی نکال کر کہیں محفوظ کر سکیں۔
مائیکرو سافٹ کا کہنا ہے کہ ان افراد نے ان کی سروس کی شرائط کی خلاف ورزی کی ہے۔ تاہم انھوں نے اس بارے میں مزید کوئی تفصیلات نہیں بتائیں اور کہا ہے کہ یہ فیصلہ حتمی ہے۔